قوعام بەلسەندىسى مۇحتار تايجان مەن بيزنەسمەن مارعۇلان سەيسەمبايەۆ اراسىندا سوت پروسەسى بويىنشا جوعارعى سوت سەيسەمبايدىڭ شاعىمىن قاناعاتتاندىرمادى. بۇل تۋرالى مۇحتار تايجان ءوزىنىڭ facebook پاراقشاسىندا حابارلادى.
– وتكەن اپتادا جوعارعى سوت ءىستى قايتا قاراۋ بويىنشا مارعۇلان سەيسەمبايەۆقا باس تارتتى. بۇل ونىڭ سوڭعى ءۇمىتى ەدى. بۇعان قوسا الماتىنىڭ بوستاندىق اۋداندىق سوتى ونىڭ سوت شەشىمىن اتقارۋدى سوزا تۇرۋ تۋرالى ءوتىنىشىن قاناعاتتاندىرمادى. سونداي-اق سوت ونىڭ ادۆوكاتتارىنا كەتكەن 4 ملن تەڭگەدەن استام شىعىندى مەنەن تالاپ ەتۋ تۋرالى ءوتىنىشىن قابىلدامادى، – دەدى ول.
سونىمەن قوسا مۇحتار تايجان مارعۇلان سەيسەمبايەۆ وزىنەن كوپشىلىك الدىندا كەشىرىم سۇراپ، مورالدىق شىعىندى ءماجبۇرلى ءوندىرۋ بويىنشا الماتى قالاسى سوت ورىنداۋشىسىمەن كەلىسىمگە كەلگەنىن ايتتى. سوزىنشە، سوت شەشىمى تولىق ورىندالعانشا، مارعۇلان سەيسەمبايەۆتىڭ جەكە شوتتارى بۇعاتتالىپ، شەتەلگە شىعۋعا تىيىم سالىنادى.
پىكىر قالدىرۋ